Fjölgun ríkisstarfsmanna og mannréttindabrot

Enn ein aðgerðin til jafna stöðu með mismunun.  Hvað er svo næst? Margþrepaskipt áfengisgjaldakerfi eftir stærð fyrirtækja?

Auknar flækjur í umhverfi fyrirtækjarekstrar koma fram í fjölgun ríkisstarfsmanna og sóun á tíma atvinnurekenda.  Þarf ekki nefndir og starfshópa til að skilgreina hvað telst lítið fyrirtæki og hvað stórt?  Munu ekki einhver fyrirtæki brytja sig niður í smærri einingar til að losna við mestu skattpíninguna?  Með tilheyrandi kostnaði fyrir fyrirtækin og ríkið. Fleiri fyrirtæki fleiri ríkisstarfsmenn. Flóknari reglur fleiri ríkisstarfsmenn.

Maður gat átt von á svona rugli frá hinum íslenska Kim Jong Un en ekki ráðherra úr Sjálfstæðisflokknum.

Það er mikil þörf á að einfalda umhverfi atvinnurekstrar en þetta er skólabókardæmi um óheilbrigða mismunun og aukið flækjustig.

Í guðana bænum brjótið odd á oflæti ykkar og dragið þessa tillögu til baka.

Lækka áfengisgjald á minni aðila á næsta ári

Athugasemdir

[Guðmundur K Zophoníasson, 7.11.2023 kl. 12:35]

Ef þið viljið jafna stöðu lítilla og stórra fyrirtækja á heilbrigðan hátt leggið þá niður útvarpsgjaldið. Það jafnar stöðuna, eykur réttlæti og einfaldar kerfið.